Ja se si zhduku Edi Rama 600 milionë lekë investime për kine

Postuar: Mon Dec 22, 2008 10:35 pm

Ja se si zhduku Edi Rama 600 milionë lekë investime për kinema Republikën

Aty ku jetonte kultura e Tiranës, ka ngritur biznes partneri i Edi Ramës, Alban Xhillari

Një nga investimet më serioze të ndërmarra nga Edi Rama gjatë kohës që ka qenë ministër i Kulturës ka qenë edhe kinema Milenium. Me një fond rreth 400 mijë dollarë amerikanë ose rreth 600 milionë lekë të miratuar nga ministri i Kulturës i asaj kohe, u rikonstruktua kinema Republika e cila ishte prishur në vitin 1997 për tu ringritur në 1999 me një tjetër emër, “Millenium”. Ky investim u konsiderua nga qeveria e asaj kohe si një nga investimet më të suksesshme, ku merita e veçantë i takonte ministrit të asaj kohe Edi Rama. Tashmë qytetarët e Tiranës filluan të ndjeheshin të kënaqur përsa i përket komoditetit që të krijonte kjo kinema e ndërtuar me lekët e taksapaguesve shqiptarë.

Askush nuk e mendonte në vitin 1999, se kjo kinema pas tre vjetësh do të kishte fatin e keq të përfundonte në një ndërtim gjigand dhe aferë të pisët.
Është sërish Edi Rama që në 3 maj të vitit 2002 nëpërmjet një vendimi të KRRT Tiranë vendos ekzekutimin e kësaj kinemaja për ti zënë vendin projekti një pallati gjigand cili do të ndërtohej nga miku i Edi Ramës, Alban Xhillari. Kryebashkiaku Rama tashmë jo në rolin e ministrit vendos që të hedhë në erë investimin 600 milionë lekë të taksapaguesve shqiptarë, për të dhënë një ndërtim në favor të biznesmenit me të cilin kishte bashkëpunuar për të ndërtuar rrjetin e kinemave “Millenium” në kohën kur ishte ministër kulture. Ka qenë dita e premte datë 3 maj 2002, dita ku KRT e Tiranës ka kaluar 35 vendime midis të cilave dhe tre studime urbanistike.

Tashmë sipas vendimit të kryebashkiakut Rama, ish-kinema "Republika" tani "Millenium-1" dhe qindramijëra dollarë të hedhura nga ish-ministri i Kulturës, Edi Rama, për ndërtimin e saj, do të shemben për të ngritur pallate gjigante. Po kështu edhe ato pak hapësira të mbetura bosh, në "luftën për të rikthyer" lulishtet e gjelbërimin, do të kthehen përsëri në godina. . Në projektin e miratuar, pallatet që do të ngriheshin përfshinin zonën nga rruga "Shyqyri Bërzolli" deri te kinema "Millenium-1". Kinema Republika ishte edhe bastioni i fundit i shkatërrimit të një pjese të historisë së kulturës së kryeqytetit shqiptar.

Në 15 korrik të vitit 2002 fadromat e Alban Xhillarit filluan prishjen e investimit 600 milionë lekë të bërë me taksat e shqiptarëve, duke i dhenë prishur edhe një nga objektet më të vjetra kulturore të kryeqytetit. Kinema Republika është ndërtuar në fillim të viteve 1930 dhe ka pasur emrin e parë, "Diana". Më pas "Gloria", mandej "Republika" e së fundmi u quajt kinema "Millenium 1".

Kinema Republika ka qenë ndër të parat kinema në Shqipëri. Historia e saj lidhet me vetë historinë e kinemasë shqiptare dhe me artistët, që thithën formimin e parë aty. Një histori e hedhur në erë nga një kryebashkiak i çmendur, që shfrytëzon postin e tij për të shkatërruar vlerat e kryeqytetit shqiptar, i cili pavarësisht moshës së re, mbart vlera të pamohueshme në historinë dhe kulturën e tij. Fati i keq i kinema milenium është pasuar edhe nga kinematë e tjera të kryeqytetit. përsa i përket lejes së ndërtimit të dhënë nga Edi Rama për kinema Millenium, kjo leje është quajtur e jashtëligjshme për arsye se ka dhunuar objektet kulturore të cilat janë të ndaluar nga nga neni 62 i ligjit nr 8405 për “Urbanistikën” i cili e ndalon reptësisht dhënien e lejes nsë ndërtimit në territore të objekteve social-kulturore. Janë 11 kallëzime penale të bëra nga policia e ndërtimit në tetor të vitit 2005 në drejtim të kryebashkiakut Edi Rama. sipas njoftimit të bërë nga Drejtoria e Përgjithshme e Policisë Ndërtimore e asaj kohe, kjo drejtori dorëzoi në Prokurori 11 kallëzime penale kundër kryetarit të KRRT-së, Edi Rama dhe sekretarëve të KRRT-së në vite për veprën penale “Shpërdorim detyre në bashkëpunim”. Sipas kësaj drejtorie, kallëzimet janë bërë për një sërë lejesh ndërtimi, si leja e dhënë për ndërtimi objekt 3.8.11 dhe 12 kat, ndërtuar në territorin e ish-kinema “17Nëntori”. Po kështu, për një objekt 2 e 3-katësh, pikë karburanti, ngritur nga ana veriore e “Rrugës së Kavajës”, që, sipas Ndërtimores, është territor publik dhe bie ndesh me ligjin “Për urbanistikën”. Po kundër këtij ligji dhe në territor publik, sipas deklaratës, është edhe një godinë banimi 9-katëshe në “Rrugën e Durrësit”.

Një tjetër kallëzim penal shkon për kreun e bashkisë dhe sekretarin e KRRT-së, për një leje për godinë banimi 13 kat dhënë në rrugën “Urani Pano”, që, sipas Ndërtimores, ka tjetërsuar rrugën publike në truall ndërtimi. Pas kësaj, vjen një tjetër ndërtesë 6-katëshe në “Rrugën e Dibrës”, në territorin e ish-Policisë. “Kallëzim penal edhe për dhënien e lejes së ndërtimit për një objekt në territorin e ish-kinema “Republika” në kundërshtim me nenin 62 për urbanistikën”. Këto denoncime për kryebashkiakun Rama kanë tre vjet që flenë në prokurori dhe nuk ka asnjë masë të marrë ndaj tij. Objekti te kinema Repubika ka hedhur shtati duke zëvendësuar kulturën e kryeqytetit me babëzinë e kryebashkiakut të Tiranës. Megjithëse kryeministri vendit Sali Berisha pretendonte se do të shkatërronte mafien e ndërtimit të kryebashkiakut Rama duke prishur të gjitha veprimet e paligjshme të tij, ka ndodhur e kundërta. Tashmë objektet kanë hedhur shtat dhe kryeministri i vendit është bërë pjesë e pazareve të Edi Ramës me lejet e ndërtimit. Në shtëpinë kryeministrore ndodhet edhe një tjetër leje e marrë nga dhëndri i tij Jamarbër Malltezi, i cili pritet të shkatërrojë Klubin Sportiv Partizani për të ndërtuar komplekse gjigande pallatesh.

Kjo leje është dhënë në 27 dhjetor të vitit 2007 nga kryebashkiaku Rama. fati i kinema Republikës mesa duket do të jetë edhe fati i liqenit Artificial, i Kopshtit Botanik, i Pishinave dhe shumë objekteve social- kulturore. Këtë e vërteton më së miri shkatërrimi i Kinema "Millenium 1", vetëm pak muaj pas hapjes, duke ndërtuar në vend të saj një pallat që nuk arrin dot t'i numërosh katet, se të verbon dielli. Në planet e Ramës, të njëjtin fat e pret edhe kinemaja e vetme e kryeqytetit, "Millenium II". Dhe këtu pritet një shumëkatësh tjetër, me të njëjtën premtim: "Do të ketë kinema në katin e dytë"...

SOT

Postuar: Tue Dec 23, 2008 8:06 pm

Ndryshimi i Tiranës në duart e francezëve

Asnjë arkitekt shqiptar në jurinë e Nanos

Juria e kryesuar nga Fatos Nano, ia ka besuar ndryshimin e qendrës së metropolit shqiptar firmës franceze. Nëvend të dytë u rendit firma gjermane, ndërsa në të tretin hollandezja. Faza përfundimtare e konkursit, gjatë së cilës, tri studiot, franceze, hollandeze dhe gjermane kanë prezantuar projektet e tyre konceptuale, është zhvilluar paraditën e djeshme në ambjentet e hotel "Sheraton", ndërsa projekti fitues është shpallur në mbrëmje. Macanoo Architecten b.v (Delf + Holandë); Architecture Studio (Paris- Francë) dhe Bolles & Wilson & Co.KG (Munster -Gjermani) ishin të përzgjedhurat mes 35 studiove të huaja gjatë dy fazave të para dhe për rreth 2 orë e 30` paraqitën e argumentuan në pamje tredimensionale dhe grafike, futyrën e ardhshme të qendrës së Tiranës. Interesat e urbanistikës, krijimi i lagjeve funksionale në bllokun e qendrës, riformulimi i sheshit Skënderbej, krijimi i një unaze të re për qendrën, rikonceptimi i transportit hekurudhor drejt konceptit të tramvajit nëntokësor ishin disa nga idetë e sqarimet që me të cilat, përveç jurisë u njoh edhe auditori që nuk ngurroi të bëjë pyetje të natyrës profesionale.

Juria ishte e përbërë nga kryeministri Fatos Nano në cilësinë e kryetarit, kryebashkiaku Edi Rama (anëtar); Jean M.Guenod - Francë; Mario Pisani - Itali; Rudi Stroink- Hollandë; Olafur Elion - Danimarkë; Lothar Greulich -Gjermani; Helm*t Schroeder (ambasadori i Gjermanisë dhe Elia Zenghelis- Angli (anëtarë). Përfaqësuesit e tri studiove u shprehën se synimi i tyre kryesor ishte ruajtja e vlerave mesdhetare, dhe shfrytëzimi i hapësirave që qytetet e tjera europiane i ëndërrojnë.

Pasi u njoh me projektet e firmave të mësipërme, kryeministri Nano falënderoi arkitektët e firmave dhe u shpreh se kërkon nga ato një Tiranë, që të vendoset përfundimisht në hartën e simotrave të veta në Europë. Më tej Nano e ka konsideruar këtë konkurs si një tjetër provë që tregon integrimin e Shqipërisë në Europë. "Zhvillimi i këtij konkursi është provë tjetër e realiteteve të integrimit që përjeton Shqipëria. Përsa i takon fushës së urbanistikës që paraqitet me prioritete të veçanta edhe në programet tona qeverisëse, ngjarja e sotme shënon fillimin e një proçesi të natyrshëm bashkëpunimi interaktiv me nivelet më të larta europiane të Europës ku edhe Shqipëria tashmë po integrohet me shpejtësi"-tha Nano. "Ndonëse studiot që vijnë këtu, pas një proçesi konkurrues të hapur ndërmjet 35 syresh, janë të huaja, aktorët shqiptarë të fushës, për asnjë çast, nuk janë dhe nuk do të ndihen të përjashtuar nga kjo garë. Ata janë dhe do të mbeten pjesë e zhvillimit të suksesshëm të projektit fitues, i cili falë këtyre aktorëve do të mund të kalojë nga stadi i stimulimit kompjuterik në atë të realitetit të gjallë e dinamik të kryeqytetit tonë të dashur" vazhdoi Nano që në të vërtetë nuk kishte asnjë arkitekt shqiptar në jurinë e tij.

Në fund, Nano ka falënderuar qeverinë gjermane për mbështetjen morale dhe kontributin financiar që ka dhënë në këtë rast. Ndërkaq, plani projektues i studios fituese, do të nisë menjëherë të zbatohet, për të mos u lënë mundësi ndërtimeve të reja pa leje.

Skandali me Projektin Francez

"Architecture Studio", partnere e Edi Ramës

Francezët, partnerë të mëhershëm me Edi Ramën në projektin për prishjen e Kinema Republikës dhe qendrës historike të Tiranës. Skandali me konkursin dhe misteret pse Edi Rama zgjodhi francezët për të legalizuar projektet e tij për Tiranën.
A ka gisht Fatos Nano tek miratimi i kësaj firme për shkak të kunatit të tij, apo thjesht është viktimë e Edi Ramës?

"Architecture Studio" që fitoi projektin për qendrën e Tiranës, ka qenë më përpara partnere e firmës "International Distribution for Albania - IDA FHA", kompania që menaxhon Kinema Millenium ku bën pjesë Rudina Magjistari, e fejuara e Edi Ramës, dhe Alban Xhillari, partneri më i afërt i tij në ndërtimet në Tiranë. Studioja franceze ka bërë më parë projektin për prishjen e "Kinema Republikës" dhe ndërtimin e një gjiganti në mes të Tiranës, ku do të përfshihen qendra tregatre, hapësira për zyra restorant panoramik, kinema etj..
Në faqen e saj në internet kjo kompani ka publikuar para projektit për qendrën e Tiranës, projektin prej 20 mijë metra katrorësh, për të ndërtuar qendrën tregtare në vendin e kinemave në qendrën historike të qytetit.
Të gjitha dyshimet për prapaskenat e Edi Ramës me këtë konkurs tashmë po verifikohen.

--------------------------------------------------------------------------------

Si ka lindur ideja për projektin francez

I vendosur para kritikash për shkatërrimin urban të Tiranës nga opinionistë dhe arkitektë të Tiranës, Edi Rama vendosi të luajë me propozimin e opozitës. Duke u nisur nga një deklaratë e Berishës se për qendrën e Tiranës duhet një konkurs i huaj, Rama filloi të ndërtojë skenarin për këtë konkurs.
"Architecture Studio", ishte përzgjedhur ndërkohë privatisht nga kompania që menaxhon kinematë Millenium me emrin "International Distribution for Albania - IDA FHA" si studioja që do të bënte projektin për prishjen e kinema Republikës dhe ndërtimin atje të një qendre tregtare 20 mijë metra katrorë. Në faqen e saj në internet "Architecture Studio" ka prezantuar këtë si projektin e saj më të madh në fillim të vitit 2003. Një grua franceze, mikeshë e Edi Ramës, ka qenë ndërmjetësja me këtë studio, e cila ka arritur të rregullojë qendrën e Tiranës, sipas shijeve dhe projekteve financiare të Edi Ramës.

--------------------------------------------------------------------------------

Ku qëndron skandali

Problemi nuk është "Architecture Studio", por konflikti i interesave që kjo studio ka me kryetarin e Bashkisë në gjithë këtë projekt. Duke qenë se ajo ka projektuar më parë ndërtesat që kanë shkaktuar polemika në Tiranë, sidomos ato që lidhen me prishjet e kinemave të vjetra të qytetit, kjo studio është favorizuar të fitojë konkursin, megjithëse studioja hollandeze kishte projektin më të detajuar dhe që përfshinte rregullimin e gjithë Tiranës, përfshi dhe periferitë. Studioja franceze nuk ka projektuar asgjë më tepër se sa sheshin Skënderbej Bulevardin kryesor dhe Lanën, që përbëjnë dhe objektin e punëve publike të Edi Ramës. Kjo studio nuk ka bërë asgjë tjetër veçse i ka krijuar hapësirë legale veprimeve të mëparshme arbitrare të Edi Ramës dhe ka krijuar një treg të ri për të, duke i dhënë përparësi ngushtimit të sheshit Skënderbej, kthimit të Kinema Republikës në një qendër tregtare që funksionon ndaraz nga sheshi Skënderbej dhe shkatërrimin e gjithë atyre ndërtimeve që bien ndesh me projektet financiare të Edi Ramës rreth Kinema Republikës.
Shumë nga banorët përreth kinemasë janë kërcënuar se me projektin francez, banesat e tyre mund të kthehen në lulishte, nëse ata nuk binden t'ua shesin atë ndërtuesve, Kompania e kinemave Milenium, që menxhohet mes të tjerash nga Rudina Magjistari, dhe nga Alban Xhillari, njerëzit më të afërt të Edi Ramës.

KOMENTI

Pse duhet pezulluar Konkursi?

Konkursi për të zgjedhur një projekt për qendrën e Tiranës duhet të pezullohet, për shkak të konfliktit të interesave që ekziston mes projekteve të Edi Ramës për ndërtime në Tiranë me njerëzit e tij të afërt dhe bashkëpunimit të kësaj studioje para se të shpallej konkursi. Fakti që kjo studio ka qenë ideatorja e ndërtimit të një qendre tregtare tek Kinema republika dhe problemet që shoqërojnë këtë projekt, janë arsye e mjaftueshme për të besuar se Edi Rama ka përzgjedhur me shpejtësi këtë studio të huaj për të noterizuar lejet e ndërtimit që ai ka dhënë në qendrën historike të Tiranës dhe prishjen e disa prej pasurive historike të kësaj zone siç janë kinematë e vjetra të Tiranës. Fakti që ky partneritet u mbajt i fshehur në konkurs dhe firmat e tjera që kishin projekte serioze mbi kryeqytetin u shmangën, dëshmon se Edi Rama ka drejtuar një farsë të re publike për të legalizuar tashmë projektet e tij financiare nën emrin e një studioje të njohur franceze, e cila është këtu thjesht për të fituar.
Kjo çështje duhet doemos të bëhet objekt hetimi dhe debati parlamentar për të pezulluar veprimtarinë e saj dhe për të hetuar deri në ç'masë, kompania që menaxhon rrjetin e kinemave Millenium e quajtur "International Distribution for Albania - IDA FHA" është e përfshirë si seksere në këtë konkurs dhe përfituese e një lejeje të re për ndërtimin e disa kullave pranë Uzinës Enver, të cilat mund t'i japë për ndërtim kundrejt një takse prej 30 për qind kompanive të tjera të ndërtimit në Shqipëri.

TemA - 2001

Guest

"Kapo" Reli, kètij muhabeti i thon , "Punèn e bèn gomari, dhe tèrshèrèn e ha Kali".

Postuar: Thu Dec 25, 2008 12:40 am

keta politikanet shqiptar ......keshtu jan mor bir ....HA E HA E *** SKA ANGOPEN KUR!

Postuar: Thu Dec 25, 2008 12:41 am

TA KORIGJOJ UN HA E HA E B Y TH NEK KA!

Postuar: Thu Dec 25, 2008 12:43 am

I KE REN NE KOK GRYKSA JAN TETER POLITIKANET! TURPIKOMBIT