- Studentët në grevë urie? I lini të vdesin nga injoranca!

reli Shkruan "Dikur studentët luftonin për te sjellë demokracinë, ndërsa sot për një copë letër. Kjo është ë e trishtueshme por është një shenjë e kohës ne te cilën jetojmë.
studentet ne proteste

Ku jetojmë, pse askush nuk ngrihet kundra studentëve, pse gazetat duhet si gjithnjë te mbajnë anën e gabuar?
Madje gazeta “Shqip” shkon edhe me larg: “Studentët grevistë të Universitetit të Vlorës kanë fituar betejën me rektoratin” shkruante në një artikull te djeshëm.
Por kësaj komedie nuk mund ti mungonte elementi “Erion Velina”, nuk ka asnjë lidhje por duhet.
“Ndërkohë që pasdite vonë, pranë grevistëve ka mbërritur dhe kryetari i Partisë G99, Erion Veliaj. Ky i fundit nuk ka dashur që në takimin me studentët të ishin prezent mediat. Mësohet se ai u ka komunikuar grevistëve numrin e tij të telefonit, ndërkohë që u ka kërkuar që për çdo shqetësim të kontaktonin me të me anë të sms-ve.”
Pse duhet të komunikojnë me të?
Këtu kemi prekur kulmin e çmendurisë në Republikën e Albananeve. Velina ka studiuar ne Amerikë, vendi ku diplomat nuk kanë vlerë legale, por në Shqipëri mbështet studentët qe janë ne grevë për një cope letër, pra kërkojnë njohjen e vlerës legale te diplomave të tyre.
Nuk po harxhoj më kohë me element të tillë si Velina sepse tashmë është kthyer në karikaturë të vetvetes.
Në Shqipëri duhet hequr me ligj vlera legale e diplomave, ashtu siç ndodh ne vendet Anglosaksone.
Ka shume arsye ne mbështetje të këtij propozimi, por ajo që e vetme do të mjaftonte është “zvogëlimi i fenomenit supermarket diplomash” , pra flasim për Universitet private. Ky është biznesi më i suksesshëm për momentin në Shqipëri dhe e vetmja zgjidhje është zhdukja e vlerës legale.
Pse i duhet një copë letër studentit të sotëm?
Për tu bërë avokat, mjek etj, por më kryesorja, të marrë pjesë në konkurset publike, pra të zërë një punë në shtet! Eh jo i dashur student, copa e letrës nuk tregon aftësinë tënde, atë copë letër mund ta përdorësh për çdo gjë tjetër por jo të zësh një punë shtetërore.
Vlera legale e diplomës ne Shqipëri bën që të gjithë universitet të jenë njësoj, si ai i Tiranës edhe ai Kuksit. Ku është konkurrenca midis Universiteteve, qofshin ato private apo shtetërore?
Universitetet private tashme janë kthyer ne supermarkete diplomash, studentët nuk i zgjedhin për cilësinë por zgjedhin universitetin privat ku është më e lehtë të marrësh diplomën pa studiuar fare, (këta do të jenë mjekët apo inxhinierët e ardhshëm?).
Deri më sot nuk kemi dëgjuar ndonjë Universitet privat që të ketë bërë ndonjë shpikje apo publikim shkencor, dhe mesa di nga miq të mijë qe studiojnë në to, cilësia është me vjet dritë larg nga Universiteti shtetëror i Tiranës.
Por duke zhdukur vlerën ligjore të diplomave automatikisht 80% e këtyre supermarketeve do të mbylleshin 1 ditë më pas, sepse diploma e tyre nuk ka më asnjë vlerë. Do të qëndrojnë në treg vetëm ato që janë vërtete më cilësoret.
E njëjta gjë edhe me Universitet shtetëror. Studentët do të zgjedhin vetëm ato të cilat ofrojnë një cilësi të larte mësimdhënie , sepse me zhdukjen e vlerës legale do të jetë dituria jote ajo që do të ketë vlerë, jo titujt e letrat. Po marr si shembuj 2 shtetet me Universitet me prestigjioze ne bote.

USA dhe Anglia.

Ne Angli universitetet janë shtetërore, por secili UN vendos taksat ne mënyrë të lirë dhe lëshon një diplomë e cila nuk ka asnjë vlerë ligjore. Universitetet janë ne garë për të fituar vlerësimin e studentëve, duke i përgatitur sa më mirë ata për ti futur në botën e punës. Sa më i mirë universiteti aq më të larta janë taksat, dhe më të shumta regjistrimet, pra burime financiare më të larta, pra me shumë të ardhura për kërkime shkencore, duke i rritur si rrjedhim prestigjin universitetit.
Ne USA ku numërohen 35 ne 50 universitetet më të mira ne bote sistemi është ne duart e privatëve dhe taksat janë mjaft të larta. Mekanizmi është ai i konkurrencës, ashtu si në Angli. Në të dyja rastet, hyrja e më të varfërve ne UN është i rregulluar nga bursa të shumta studimi të cilat ofrohen nga shteti (Angli, USA) apo nga privatët (USA).
Në USA janë shumë të përhapura edhe “borxhet e nderit”, pra bankat financojnë kohën e studimit.
Në Shqipëri, copa e letrës, e djersitur gjatë, mbi libra apo duke i dhënë ryshfet profesorit, bëhet paradhoma e punës shtetërore ose futja në kategori profesionale si avokat, farmacist apo arkitekt. Shumë prej jush mund të thonë që në USA universitetet janë cilësor sepse janë privat.
E gabuar, universitet me prestigjioz ne USA, ai i Berkeley dhe UCLA janë shtetërorë, pra tregon që ky sistem do të zgjoj nga letargjia edhe universitetet tanë shtetërorë sepse pikërisht i bazuar mbi konkurrencën dhe mbi ligjet e tregut.
UN shtetërorë do të kenë një cilësi më të lartë sepse do të kenë burime financiare më të shumta, madje mund të përfitojnë edhe nga sponsorizimet private.
Sot në Shqipëri të gjitha diplomat kanë të njëjtën vlerë, pra konkretisht nuk kanë asnjë lloj vlere, sepse për ligjin sot janë njësoj një student që ka mbaruar juridik ne UN e Tiranës me atë të Vlorës, që të dy mund të bëhen avokat.
Ne USA jo!
Nëse do të bëhesh avokat duhet të bësh një konkurs, po ashtu edhe për të punuar ne shtet, pra aty vlerësohet përgatitja jote, pra është interesi yt që të jesh sa më i përgatitur, mjafton të themi qe Thacher punonte si avokate por ishte diplomuar për Kimi.

Shënim: DISKUTO NË FORUM"